सुरेशचंद्र नाडकर्णी - पृथ्वीवर माणूस उपराच ★★★★★
या अफाट विश्वात जीवसृष्टी फक्त पृथ्वीवरच का आहे ? हे माणसाला अनेक वर्ष पडलेले कोडे आहे. अब्जावधी वर्षांच्या उत्क्रांतीनंतर फक्त मानव जातच का विकसित झाली ? इतर प्राणी अप्रगत का राहीले ? हाही एक मोठ्ठा यक्षप्रश्न आहे. एरिक वॉन डेनीकेन या शास्त्रज्ञाने आपली सगळी हयात या प्रश्नांची उत्तरे शोधण्यात घालवली. या शास्त्रज्ञाच्या शोधांचा सार सुरेशचंद्र नाडकर्णी यांनी या पुस्तकात दिलेला आहे. हा विषय तसा अत्यंत गहन आणि क्लिष्ट आहे. नाडकर्णी यांनी अनेक वर्षांचे हे संशोधन अनेक चित्रांसकट या छोटेखानी पुस्तकात सर्वसामान्य वाचकांसाठी सुलभ भाषेत मांडले आहे. काही लोकांना या पुस्तकात मांडलेले मत अतिशयोक्तिपूर्ण आणि काल्पनिक वाटण्याची शक्यता आहे. तुम्ही कशाप्रकारे विचार करता यावर हे अवलंबून आहे. तुम्ही पारंपारीक आणि आध्यात्मिक विचारसरणीचे असाल, तर या पुस्तकतील देव म्हणजे परग्रहावरील अंतराळवीर होते ही कल्पना रुचणार नाही. सकाळमध्ये हे पुस्तक लेखमालिकेच्या स्वरूपात प्रसिद्ध करताना, अनेक वरिष्ठ वाचकांनी त्याला विरोध केला होता असे खुद्द लेखकानेच प्रस्तावनेत सांगितले आहे. या पुस्तकात आपले म्हणणे स्पष्ट करण्यासाठ...
